الخالدي قال شايـف مـن حبّنـا بـا نحّبـه       وذاك ذي مـا يبانـا لبُـوه كُبّـه تكُـبّـه

يروح لا عاد روّح مابـاه مـا ريـد قُربـه      حتى ولو هو امامي بامُـر شاطـح بجنبـه

ماباه يشطح علـيّ يحطّنـي تحـت زربـه      او يحسب ان بن محمد سلعه بداخل مسبّـه

دونه يراني بهيمه او كبش من بعض جَلبـه      يلعب علي مثل غيري وحطني جوف رحْبَه

زمان ما كان والف يخصّر الضيـف حُلبـه      أمّااليوم مابا يجزِّع خلاص سِحـره وكذبـه

قد ملّت الناس زاده ما عـاد لـه أي رغبـه      شحمه وطعمه تغيّر وطعم قوتـه وشُربـه

ما غير قُلنا نجـدد بنـاء علاقـه وصحبـه      حيّا لما جاء من ايده بلا خسـاره وتعبـه

وان عاد لخْجَف مصمم يشتي منـاره وقُبّـه      قصده كما كان سابق يلعب على الناس لُعبه

ياالصّيرفـي راح وقتـك وتـاك ليّـام هبّـه      ذي كنت فيها بتصرف عُمله محلّي وصعبَه

ماليوم سُوقك تكنسـل ودارك انهـار قُطبـه      لا عاد لك به تجـاره ولا وظيفـه ورُتْبَـه

الخالدي قال شائف من ذبّـه السيـف ذبّـه      ذي ما يحاسب لنفسه يصبح محاسب بذنبه

الايام ترضى وتحنق والوقـت قلبـه بقلبـه      طابور خُذ لك بعينك من كل طابور عجبـه

من له من الله مقدّر مكتوب من عنـد ربّـه      با يوصله لا محله ماشي من المُوت هربـه

العافيه طول بتقـع والمـوت يأتيـك وثبـه      ما يشفعوا لك من الموت عبده ولا عبد ربه

وذي علينا تكبّـر مـن دون حُجّـه وسُبّـه      حقُّه على بن محمد باطعـن فـؤاده بَحبَّـه

الليل يالهاجس اسرع بادر غريمي بضربـه      خلّيني ارتاح منه واطفي من الجوف لَهْبَـه

قريب لو ساعد الحظ الصوب ماهـل بحبّـه      عسى وهي صُوب نافذ وساكنه وسط قلبَـه

من أجل يرتاح بالي لا مـا أوِه عـاد رُكبـه      يصيح من صاح بالصوت باسُد اذني بعطْبه

قال الخالدي بولوزه ضاع الحق حتـى لـو قـال      مولى الحق حقه ثابـت والله مـا يـروح مثقـال

أصبح حق ماله جدوى بس اقوال من دون افعـال      كلمة حق قـد تسمعهـا لكـن لـم تجدهـا فعـال

مـال الحـق مايتقبـل وانتـه يالقبيلـي قـبـال      بايلعبك أحقر صعلوك من حيث الرخى والاهمـال

خاطب محكمة أو قاضـي كنـك تخاطـب تمثـال      أو في حق شرعي طالب ماتلقى تجارب في الحال

مهما كان حقك واصبح عندك له بصائر وأسجـال      ماتنجح وجيبك فاضي او داكي بظهرك الاعطـال

لو لك مية مكيال اقنـع لايمكـن تـروح مكيـال      لان باب العداله مغلق لـي يمكـن تعلـق الامـال

والصدق انتهى مفعوله حتى في الصحف والارسال      ماتقـدر تميـز كلمـه بيـن الطيبـة والبـطـال

كله كذب كله تشويه سـوق السمسـرة والـدلال      باتلقـاه فاتـح سـوقـه للـطـلاع أوللـنـزاال

لي منه يصدر واسعر واصبح شل لك يـا شـلال      من سعر الكلام الفاضـي كـم بايستكيـل الكيـال

خذ لك من كلام الشارع واسمع لي تقوله الاطفال      واقرأ كذب لو باتقرأ في الصحوة وصوت العمـال

باللفظ السخيف الجارح حلل مابهـا مـن أقـوال      تلقاها صحـف كذابـة والسنهـا طويلـه شغـال

كم أسبوع كامل باليوم بتكيلـه فراسـل وأرطـال      كل اسبوع تقرأ هدره مـا تدخـل بعقـل العقـال

أو اخبار تسمع عنها ماتخطر لقارئ ع البـال      اغلبها شتايـم وألفـاظ مايمكـن تقولـه جهـال

قالتها صحف رجعية مدعومه لتحريـض اجيـال      ماهي مومنه بالواقع بل طامـع بربـح الامـوال

ضد الشعب تستخدمها تجلى بالخطـب والاشعـال      تبغى الوضع لو يتفجر أو يصبح بالشعب زلـزال

بتزود شلـل مأجـوره بانـواع السـلاح القتـال      من أجل الشغب والفوضى وأجل اغتيال الابطـال

هم اعداء الوطن أنفسهم أو من قيل عنهم أذيـال      لو فيهم ضمائر حيـه ماكـان أحتضنهـم دجـال

هذا ماترونـه الاعـداء والحقـد باقـي مـا زال      في قلب العدو والحاقد من عهد الزعيـم السـلال

لازالوا يسعـوا جاهـد للوحـده يريـدوا افشـال      وبتال العماله جاهـز مخطومـه معـه بالأحبـال

وأقلام الصحافه تكتب ع الهامش تهرول هـروال      ماتجد صفحة أو فقره لي فيهـا نصائـح وأمثـال

من حيث الديمقراطيه خلـت كـل واحـد رجـال      والوحده حفظها ربي لـي تمسـي لهـا ياطبـال

فكـت بـاب للمتذمـر والثعلـب يهاجـم أشبـال      لاقانون صارم يوجـد يلغـي هالخلـل والاخـلال

ظلت صحف رجعية لما السـاع مـن دون اقفـال      بالصبر بايتحقـق للشعـب الأمـل مهمـا طـال

لأن الشعب مايتنازل عن حقه ودمـه ذي سـال      أو يقبل يغيـر وحـده مافيهـا بـدل واستبـدال

تم الخالـدي ماعنـده بالهـادي وصحبـه والآل      والجنه لمن يشفع لـه بالنيـة وحسـن الاعمـال

الخالدي قال شايف يا لامـن كيـف الامانـه        هل امن في خدمة الشعب او امن يقطع لسانه

محبوس من دون تثبت ضدي لديكـم ادانـه        ولالنا شي سوابـق بـا لشعـوذه والاهانـه

هذانا كيف غيـري يـا محنتـه وامتحانـه        ذي لا مطر نصف ساعه مابا يحصل كنانـه

ما لخالدي ما يهمـه قـده مـن اول زمانـه        والف على الحبس والقيد ولا نزل من مكانـه

ماهل اسف يا رفاقي ترجع حجـاري بطانـه        وهي ظهارات واركان مكانهـا حيـث كانـه

وانا الذي من لساني بضـرب بالـى وزانـه        وبنتقد كـل غلطـان ولـو اميـن الخزانـه

من قال شاني وشانه بقـول شانـي وشانـه        لما يقلـب بيانـي وشفـت مـا فـي بيانـه

والليله اصبحت خائـن ومتهـم بـا لخيانـه        قالوا خرقنا السفينـه واحرقنـا الاسطوانـه

كيف الخبر يا مباحث وش مـن ادلات بانـه        ذي قصدكم تحرقوني فيها وانا بـا لصيانـه

اربع وعشرين ساعه محجوز في وسط خانه        وعاد ثابت مصمـم بيقـول لـى مـا بنانـه

قصده ينكسل بعمله صعبه مع اكبـر قرانـه        وانا ريالى مضمن ما يصترف خمس عانـه

ماقال لى روح وارجـع ولا طلبنـي ضمانـه        ولا احترم عضو مجلس وقال عنده حصانـه

ولا اعتبر بـن محمداخـوه ساعـد يمانـه        ما غير ثابت حبسني من بعض معزه وضانه

يشتيني اخضع وبا لين من اجل احصل هيانه        وانا جبل حيد قاسـي مافـي بقلبـي ليانـه

ما اطلب شفاعه ولا اطلب من اي واحد اعانه        قد با تحاسب بذنبـي لا قـد ملفـي ملانـه

والكذب مالى ومالـه قالـه فـلان او فلانـه        انا ابن ابي وابن امي ماحد على له حضانـه

باخذ حسابي بيـدي بـلا تعـب او غبانـه        من كان مجنون يصحي لوم صحي من جنانه